«Եկեք էսօր եղանակի կանխատեսում չանենք». Մելքումյանը՝ ԱԺ առաջիկա արտահերթ ընտրությունների մասին
«ԲՀԿ-ի էլեկտորատը շատ լուրջ եմ գնահատում: Եկեք էսօր եղանակի կանխատեսում չանենք»,- այսօր ԱԺ-ում լրագրողների հետ զրույցում հայտարարեց «Ծառուկյան» խմբակցության պատգամավոր, ԲՀԿ փոխնախագահ Միքայել Մելքումյանը՝ անդրադառնալով առաջիկա արտահերթ ընտրություններին:
Ըստ նրա՝ Երևանի ավագանու ընտրությունները ցուցիչ չեն, դա դասական քաղաքական ընտրություն չէր, հետհեղափոխական արձանագրում էր:
Մ.Մելքումյանի կարծիքով՝ երկրի բախտն այսուհետ որոշվելու է խորհրդարանական ընտրությունների ժամանակ, ոչ թե նախագահականի, ինչպես նախկինում էր:
Մելքումյանը նկատեց, որ այս ընտրություններն ընթանում են հանունի և ոչ թե ընդդեմի տրամաբանությամբ.
«Ճիշտ ուղղությամբ գնալու ռեալ պայմաններ են ստեղծվել»:
