Ոստիկանները բերման են ենթարկել կանգառում քաղաքացուհու պայուսակից հեռախոս գողանալու մեջ կասկածվողին
Հոկտեմբերի 17-ին, ժամը 19.10-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Երևանի Կորյունի փողոցի թիվ 1 հասցեի մոտից, գողություն կատարելու կասկածանքով, բերման են ենթարկել 1980 թ. ծնված Գարիկ Զ.-ին և հրավիրել 1954 թ. ծնված Մարիամ Թ.-ին:
Պարզվել է, որ նույն օրը, ժամը 18.30-ին, Գարիկ Զ.-ն Աբովյան-Կորյունի փողոցների խաչմերուկի մոտի կանգառում Մարիամ Թ.-ի պայուսակից գողացել է «Սամսունգ» տեսակի բջջային հեռախոսը:
Գողոնն առգրավված է: Կատարվում է քննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
