Հիմա ես Սիրուշոյին պատկանող Պռեգոմեշ եմ գնում. այնտեղ էլ է խուզարկություն. Կոչուբաև
Իրավապահները խուզարկում են ԱԺ «Հայաստան» խմբակցության պատգամավոր Լևոն Քոչարյանի կնոջ` երգչուհի Սիրուշոյի «Պռեգոմեշ» ընկերությունը։ Լրագրողներին այս մասին հայտնեց փաստաբան Ալեքսանդր Կոչուբաևը։
Նա նշեց, որ այս պահին գնում է «Պռեգոմեշ» ընկերություն (Սիրուշոյի զարդերի խանութը)` ընկերության շահերը պաշտպանելու, իսկ փաստաբան Էրիկ Ալեքսանյանը կշարունակի մնալ պատգամավոր Լևոն Քոչարյանի տանը, որտեղ դեռ շարունակվում է խուզարկությունը։
Ավելի վաղ հայտնել էինք, որ վաղ առավոտյան իրավապահները ներխուժել են ՀՀ երկրորդ նախագահ Ռոբերտ Քոչարյանի և նրա որդու՝ ԱԺ «Հայաստան» խմբակցության պատգամավոր Լևոն Քոչարյանի տներ և սկսել են խուզարկություններ իրականացնել։
Ըստ Հակակոռուպցիոն կոմիտեի` կոռուպցիոն բնույթի հանցագործությունների դեպքերով քննվող քրեական վարույթի շրջանակում մի քանի տասնյակ հասցեներում կատարվում են խուզարկություններ և վարութային այլ գործողություններ։
Ռոբերտ Քոչարյանը և նրա ավագ որդին` Սեդրակ Քոչարյանը, ձերբակալվել են։
