ԱՄՆ-ն ու Իրանը քննարկում են ագրեսիվ գործողություններից փոխադարձ հրաժարման մասին համաձայնագիրը. Al Hadath
ԱՄՆ-ի և Իրանի միջև լարվածության նվազեցմանն ուղղված նոր նախաձեռնությունը նախատեսում է կողմերի փոխադարձ հրաժարում ագրեսիվ գործողություններից: Դրա մասին հայտնել է Al Hadath հեռուստաալիքը՝ հղում անելով իր աղբյուրներին:
Նրանց տվյալներով՝ Վաշինգտոնի և Թեհրանի միջև հնարավոր համաձայնագրի նախագիծը ներառում է թշնամական գործողությունների դադարեցում, ինչպես նաև ավելի վաղ ստորագրված փոխըմբռնման հուշագրի դրույթների կատարում:
Ավելի վաղ Reuters գործակալությունը հայտնել էր, որ միջնորդները Իրանին և ԱՄՆ-ին առաջարկել են հաստատել 10-օրյա հրադադարի ռեժիմ: Ենթադրվում է, որ այդ ընթացքում կողմերը կկարողանան քննարկել ժամանակավոր համաձայնագրի վերականգնումը և հակամարտության լարվածության թուլացման այլ միջոցներ:
