Մեդվեդևը ժամանել է Թեհրան՝ Խամենեիի հրաժեշտի արարողությանը
Ռուսաստանի Անվտանգության խորհրդի նախագահի տեղակալ Դմիտրի Մեդվեդևը ժամանել է Թեհրան՝ մասնակցելու Իրանի նախկին գերագույն առաջնորդ Ալի Խամենեիի հրաժեշտի արարողությանը։ Դրա մասին նա հայտնել է «Մաքս» մեսենջերում։
Հուղարկավորության միջոցառումներն անցկացվում են Իրանի մայրաքաղաքում և արդեն մեկնարկել են։ Դագաղը տեղադրվել է երկրի առաջին գերագույն առաջնորդ Ռուհոլլահ Խոմեյնիի դամբարանում։ Արարողությանը մասնակցում են կրոնական գործիչներ և օտարերկրյա պատվիրակություններ, որոնց թվում՝ ներկայացուցիչներ Ռուսաստանից։
Tasnim գործակալության տվյալներով՝ սգո միջոցառումներին մասնակցում են պատվիրակություններ շուրջ 100 երկրներից, դրանց թվում՝ պետությունների ութ ղեկավարներ և խորհրդարանների 12 խոսնակներ։
Խամենեիի հրաժեշտի արարողությունը Թեհրանում նախատեսված է մի քանի օր, որից հետո հուղարկավորությունը տեղի կունենա նրա ծննդավայրում՝ Մեշհեդում։
