Հնդկաստանում նավթավերամշակման գործարանում հրդեհի հետևանքով մի քանի մարդ է տուժել
Haldia Petrochem ընկերության նավթատարում բռնկված հրդեհի հետևանքով մի քանի աշխատող է տուժել։ Այդ մասին հունիսի 30-ին հայտնել է The Times of India (TOI) թերթը՝ հղում անելով աղբյուրներին։
«Երեքշաբթի վաղ առավոտյան Haldia Petrochem ընկերության նավթատարում խոշոր հրդեհ է բռնկվել։ Դեպքի վայրում գտնվող մի քանի աշխատողներ ստացել են ծանր այրվածքներ և ներկայումս բուժում են ստանում», — ասվում է հրապարակման մեջ։
Աղբյուրների տեղեկություններով՝ տուժածներից մի քանիսը գտնվում են ծայրահեղ ծանր վիճակում։ Բացի այդ, հրդեհի պատճառով գնացքների երթևեկության մեջ ուշացումներ են առաջացել։ Նշվում է, որ ներկայումս անցկացվում է հետաքննություն՝ տեղի ունեցածի հանգամանքները պարզելու նպատակով։
