Ահաբեկիչներն ակտիվորեն օգտագործում են արհեստական բանականություն և անօդաչու թռչող սարքեր. ՄԱԿ-ի գլխավոր քարտուղար
ՄԱԿ-ի գլխավոր քարտուղար Անտոնիու Գուտերիշը հայտարարել է, որ ահաբեկչական խմբավորումներն ամբողջ աշխարհում հարմարվում են նոր տեխնոլոգիաներին՝ դրանք օգտագործելով հավաքագրման և ֆինանսավորման համար: Դրա մասին նա ասել է ՄԱԿ-ի անդամ երկրների հակաահաբեկչական գերատեսչությունների ղեկավարների բարձր մակարդակի 4-րդ համաժողովում:
Ըստ Գուտերիշի՝ հանցավոր ցանցերն արագացնում են փողերի և զենքի հոսքը, ներառյալ՝ մահաբեր անօդաչու թռչող սարքերը, ինչպես նաև ակտիվորեն կիրառում են արհեստական բանականությունն ու թվային հարթակները:
ՄԱԿ-ի գլխավոր քարտուղարը նշել է, որ միևնույն տեխնոլոգիաները միաժամանակ կարող են օգտագործել պետություններ՝ սպառնալիքները հայտնաբերելու, ապօրինի ֆինանսական հոսքերը կանխելու և արմատականացման գործընթացները վերլուծելու համար:
