Իրանի և Լիբանանի խորհրդարանների խոսնակները քննարկել են Մերձավոր Արևելքի վերջին իրադարձությունները
Իրանի խորհրդարանի խոսնակ Մոհամմադ Բաղեր Ղալիբաֆը և նրա լիբանանցի գործընկեր Նաբիհ Բերին քննարկել են Մերձավոր Արևելքի վերջին իրադարձությունները։ Ղալիբաֆը Բերիին ասել է, որ Թեհրանը հանձնառու է դադարեցնելու Իսրայելի պատերազմը Լիբանանի դեմ, հայտնում է Tasnim գործակալությունը։
Նրանց հեռախոսազրույցի ընթացքում Ղալիբաֆը նշել է, որ ԱՄՆ-ի հետ հուշագրի առաջին կետը վերաբերում է Լիբանանում ռազմական գործողությունների դադարեցմանը և նրա տարածքային ամբողջականության պահպանմանը։
Նա ասել է, որ Իրանը լրջորեն ձգտում է լիբանանյան տարածքից իսրայելական զորքերի դուրսբերմանը։
Իր հերթին Բերին ընդունել է, որ Շվեյցարիայում Իրանի գործողությունները համապատասխանում են լիբանանցի ժողովրդի շահերին և մեղադրել է Վաշինգտոնին Լիբանանի ինքնիշխանության հարցը շրջանցելու փորձերի մեջ։
Նա ԱՄՆ-ի հարաբերությունները Իսրայելի հետ բնութագրել է որպես «դավադրություն և ապստամբության հրահրում»։
Զրուցակիցներն ընդգծել են հակամարտությունների կարգավորման համար վերջերս ձևավորված ստորաբաժանման նիստի անհապաղ անցկացման անհրաժեշտությունը՝ Լիբանան Իսրայելի շարունակվող ներխուժումը քննարկելու նպատակով։
