Վարդաշենի շենքերից մեկում հրդեհ է բռնկվել. տարհանվել է 12 քաղաքացի. հրդեհը մարվել է
ՀՀ ՆԳՆ-ն տեղեկատվություն է փոխանցել Վարդաշեն 6-րդ փողոցի շենքերից մեկում բռնկված հրդեհի վերաբերյալ։
Ըստ հաղորդագրության՝ հրդեհը մեկուսացվել է ժամը 20։16-ին, մարվել՝ 20։26-ին.
«Այրվել է բնակարանի 2 սենյակ՝ գույքով։ 1 անձ դիմել է բուժօգնության, տարհանվել է 12 քաղաքացի»։
Ավելի վաղ shamshyan.com-ը հաղորդել էր, որ Վարդաշենի շենքերից մեկի 5-րդ հարկում տեղի է ունեցել պայթյուն, ապա ծուխ է լցվել, ինչից հետո երեխայի և ընտանիքի անդամների մոտ դիտվել է հազ, թուլություն։ Հիվանդանոց է տեղափոխվել 1,5 տարեկան երեխա, և նրա ընտանիքի անդամները։
