25-ամյա երիտասարդը ներկայացվել է նախաքննական մարմին
Երևան քաղաքի գնդի 3-րդ գումարտակի պարեկները հունիսի 18-ին գիշերային ծառայություն իրականացնելիս՝ ժամը 2.20-ի սահմաններում, Շերամի փողոցի հասցեներից մեկի մոտ նկատել են մի երիտասարդի, որը պարեկներին տեսնելով՝ տարօրինակ պահվածք է դրսևորել։
Նա թմրանյութ պահելու և օգտագործելու հիմնավոր կասկածանքով ձերբակալվել և տեղափոխվել է Համայնքային ոստիկանության Մալաթիայի բաժին։
Նրա անձնական խուզարկությամբ հայտնաբերվել են 3,16 գրամ մարիխուանա թմրամիջոցի նմանվող զանգվածով փաթեթ և մոխրացած հետքերով կաթուցիչ։
Երևանի բնակիչ 25-ամյա երիտասարդը կազմված փաստաթղթերի հետ ներկայացվել է նախաքննական մարմին։
