Զելենսկին չի մասնակցի Գդանսկի համաժողովին՝ Լեհաստանի նախագահի հետ հակասությունների ֆոնին
Ուկրաինայի նախագահ Վլադիմիր Զելենսկին չի մասնակցի հունիսի 25–26-ը Լեհաստանի Գդանսկ քաղաքում նախատեսված Ուկրաինայի վերակառուցման վերաբերյալ միջազգային համաժողովին։ Ուկրաինական պատվիրակությունը կգլխավորի վարչապետ Յուլիա Սվիրիդենկոն։
Այս որոշումը հաջորդել է Լեհաստանի նախագահ Կարոլ Նավրոցկիի հետ առաջացած դիվանագիտական սուր հակամարտությանը։ Ավելի վաղ Լեհաստանի նախագահը Զելենսկիին զրկել էր երկրի բարձրագույն պետական պարգևից՝ Սպիտակ արծվի շքանշանից։
Քայլը կապված է նաև այն հանգամանքի հետ, որ Զելենսկին Ուկրաինայի զինված ուժերի ստորաբաժանումներից մեկին անվանել էր Ուկրաինական ապստամբական բանակի հերոսներ, որը Լեհաստանում մեղադրվում է լեհերի կոտորածների համար, մինչդեռ Ուկրաինայում դիտարկվում է որպես անկախության պայքարի խորհրդանիշ։
DW-ի փոխանցմամբ՝ Լեհաստանի նախագահ Նավրոցկին նույնպես չի մասնակցի համաժողովին, սակայն ոչ հրավերի բացակայության պատճառով։ Միաժամանակ Եվրահանձնաժողովը հայտարարել է, որ կձեռնարկի քայլեր՝ կանխելու համար ստեղծված անհամաձայնության ազդեցությունը միջոցառման ընթացքի վրա։
