Ֆրանսիայում շոգի պատճառով գրեթե 70 հազար տուն մնացել է առանց էլեկտրականության
Ֆրանսիայի հյուսիս-արևմուտքում գտնվող Բրետանում շոգի պատճառով տրանսֆորմատորի հետ կապված միջադեպի հետևանքով մոտ 68 հազար տուն մնացել է առանց էլեկտրականության։ Այս մասին հայտնել է Ֆինիստեր դեպարտամենտի պրեֆեկտուրան, հաղորդում է ՏԱՍՍ-ը:
«Ներկայումս էլեկտրաէներգիայի անջատումը շարունակվում է. դեպարտամենտի հարավ-արևմուտքում մոտավորապես 68,000 տուն դեռևս մնում է առանց էլեկտրականության։ Տեխնիկական պատճառներով էլեկտրացանցերի օպերատոր RTE-ն այսօր չի կարողանա վերականգնել տների էլեկտրամատակարարումը։ Միացումը կկատարվի ոչ շուտ, քան այսօր օրվա վերջին»,- նշվում է իշխանությունների հայտարարության մեջ։
Ֆրանսիայում չորեքշաբթի օրը շոգի պատճառով կարմիր վտանգի մակարդակ է գործում 58 դեպարտամենտներում, իսկ նարնջագույնը (նախավերջին)՝ 31-ում։ Անոմալ շոգի պատճառով դադարեցվել է մոտ 10 հազար ուսումնական հաստատությունների աշխատանքը կամ փոխվել է նրանց ժամանակացույցը, սահմանափակվել է երկաթուղային տրանսպորտի երթևեկությունը։ Առնվազն 5 մարդ է զոհվել, ևս առնվազն 40 մարդ խեղդվել է ջրամբարներում, ինչը նույնպես կապում են շոգ եղանակի հետևանքների հետ։
