Իսրայելը մտադիր է uպառազինության ոլորտում անկախանալ ԱՄՆ-ից. Նեթանյահու
Իսրայելին անհրաժեշտ է ազատվել սպառազինության ոլորտում ԱՄՆ-ից ունեցած կախվածությունից և ստեղծել սեփական անկախ սպառազինության արտադրություն։ Նման հայտարարությամբ հանդես է եկել հրեական պետության վարչապետ Բենիամին Նեթանյահուն, հաղորդում է ՏԱՍՍ-ը:
«Ես ցանկանում եմ անկախություն սպառազինության ոլորտում։ Ես խորապես գնահատում եմ մեր ամերիկացի ընկերների աջակցությունը, բայց մեզ անհրաժեշտ է ազատվել կախվածությունից և ստեղծել սեփական անկախ սպառազինության արտադրություն։ Մենք պետք է արտադրենք մեր սեփական զենքը», – ասել է Նեթանյահուն Հորդանան գետի արևմտյան ափում կուրսանտների հետ հանդիպման ժամանակ։
Նեթանյահուն նշել է, որ Իսրայելը այժմ դիմակայում է Իրանին և նրա սատելիտներին։
«Մենք հարվածներ ենք հասցրել նրանց, սա դեռ վերջը չէ, բայց ամեն ինչ կախված է մեր ուժից։ Այն, թե որտեղ կլինենք 30 տարի անց, կախված է մեր ուժից։ Հետևաբար, այն, ինչ անում ենք հիմա, հսկայական հզորության կուտակում է», – հավելել է իսրայելցի վարչապետը։
