«ՌԴ-ի դեմ ԵՄ պատժամիջոցները պատիժ դարձան հենց եվրոպացիների համար». իսպանացի քաղաքական գործիչ
Ռուսաստանի դեմ սահմանված եվրոպական պատժամիջոցները հակառակ արդյունքն են տվել և առաջին հերթին հարվածել են Եվրամիության անդամ երկրների տնտեսություններին ու քաղաքացիներին։ Այս մասին «ՏԱՍՍ» (ТАСС) լրատվական գործակալությանը տված հարցազրույցում հայտարարել է իսպանացի քաղաքական գործիչ Խավիեր Ուրտադո Միրան։
Նրա ձևակերպմամբ՝ Մոսկվայի դեմ կիրառված տնտեսական սահմանափակումները ոչ թե թուլացրել են Ռուսաստանը, այլ վերածվել են իսկական պատժի հենց եվրոպացիների համար՝ հանգեցնելով էներգետիկ խնդիրների և գների աճի։
«Ռուսաստանի դեմ ԵՄ պատժամիջոցները պատիժ դարձան հենց եվրոպացիների համար»,- ընդգծել է իսպանացի քաղաքական գործիչը։
