Վաշինգտոնը կարող է վերսկսել Իրանին hասցվող hարվածները, եթե իրեն դուր չգա, թե ինչպես է Թեհրանը կատարում գործարքի պայմանները. Թրամփ
ԱՄՆ-ի և Իրանի միջև փոխըմբռնման հուշագիրը, որի ստորագրումը նախատեսված է ուրբաթ օրը, վերջնական չէ, Վաշինգտոնը կարող է վերսկսել Իրանին հասցվող հարվածները, եթե իրեն դուր չգա, թե ինչպես է Թեհրանը կատարում գործարքի պայմանները։ Այս մասին հայտարարել է ԱՄՆ նախագահ Դոնալդ Թրամփը, հաղորդում է ՏԱՍՍ-ը:
«Սա վերջնական գործարք չէ։ Սա փոխըմբռնման հուշագիր է։ Եվ եթե այն ինձ դուր չգա, մենք կշարունակենք կրակել նրանց վրա և ռումբեր նետել նրանց գլխին»,- ասել է ամերիկացի առաջնորդը Եգիպտոսի նախագահ Աբդել Ֆաթահ աս-Սիսիի հետ ֆրանսիական Էվիանում կայացած հանդիպման ժամանակ, որտեղ ընթանում է «Յոթնյակի» (G7) գագաթնաժողովը։
«Եթե այն ինձ դուր չգա, եթե նրանք չլսեն, մենք կրկին կսկսենք ռումբեր նետել նրանց վրա։ Որովհետև նրանք 47 տարի չեն լսել», – ավելացրել է Թրամփը։
