Երթևեկության փոփոխություն՝ Օրբելի-Կիևյան, Հալաբյան-Քըրքորյան խաչմերուկներում
Երթևեկության փոփոխություն՝ Օրբելի-Կիևյան փողոցների խաչմերուկում։ Կիևյան փողոցի 1-ին նրբանցքով դեպի նշված խաչմերուկ երթևեկողներին կթույլատրվի երթևեկել բոլոր ուղղություններով, Օրբելի փողոցի կողմից երթևեկողներին՝ 1-ին երթևեկելի գոտուց միայն աջ, իսկ 2-րդից` ուղիղ և ձախ ուղղություններով: Այս մասին տեղեկանում ենք Երևանի քաղաքապետարանից։
Հալաբյան-Քըրքորյան փողոցների խաչմերուկում, Հալաբյան փողոցով երթևեկելիս, նշված խաչմերուկում 1, 2, 3 երթևեկելի գոտիներից կթույլատրվի աջ շրջադարձ, իսկ 4-րդից՝ ուղիղ և հետադարձ, Քըրքորյան փողոցի կողմից 1-ին երթևեկելի գոտուց աջ և ձախ շրջադարձ, 2 և 3 գոտիներից դեպի ձախ, իսկ 4-րդ գոտուց միայն հետադարձ:
Նշված խաչմերուկում Մարզահամերգային համալիրի հարթակից կթույլատրվի միայն ուղիղ երթևեկություն:
