Հայաստանի իշխանությունների ներքին լեգիտիմության ճգնաժամը կպահպանվի և կարող է ունենալ հետևանքներ. Անդրեյ Արեշև
168TV-ի «Թրիգեր» հաղորդաշարի հյուրը ռուս քաղաքական վերլուծաբան, Ռազմավարական մշակույթի հիմնադրամի փորձագետ Անդրեյ Արեշևն է:
Հաղորդման ընթացքում քննարկվել են Հայաստանի ներքաղաքական իրավիճակը, խորհրդարանական ընտրությունների հետևանքները և ռուս պաշտոնյաների կողմից դրանց տրված գնահատականները։
Մասնավորապես, խոսքը գնում է այն մասին, որ «Քաղաքացիական պայմանագիր» կուսակցությանը չի հաջողվել ստանալ մանդատների երկու երրորդը, ինչն անհրաժեշտ է երկրի Սահմանադրության փոփոխության վերաբերյալ հանրաքվե անցկացնելու համար։
Առանձնակի ուշադրություն է դարձվել Ռուսաստանի Արտաքին հետախուզության ծառայության տնօրեն Սերգեյ Նարիշկինի հայտարարությանը, ով Հայաստանում տիրող իրավիճակն անվանել է բարդ, իսկ ընտրությունների արդյունքները՝ «հարաբերական և որոշակի առումով կասկածելի»։
Քննարկվել են նաև Հանրապետությունում քաղաքական գործընթացների հետագա զարգացման հեռանկարները և Հայաստանի ղեկավարության արտաքին քաղաքական կողմնորոշումները։
Բացի այդ, դիտարկվել են Միացյալ Նահանգների նախագահ Դոնալդ Թրամփի վերջին հայտարարությունները միջազգային օրակարգի վերաբերյալ։
Ուշադրության կենտրոնում են հայտնվել նրա այն խոսքերը, որ Վաշինգտոնի համար առաջնահերթություն է դառնում Ուկրաինայի հակամարտության կարգավորումը, ինչպես նաև Իրանի միջուկային ծրագրի հարցերի շուրջ ԱՄՆ-ի և Իրանի միջև բանակցությունների նոր փուլի հեռանկարները։
Հայկ Դերզյան
