«Էդմոն Մարուքյանը որոշել է ուշադրությունը շեղել այդ օրակարգից և շահարկել Սերժ Սարգսյանի անունը». Արմեն Հարությունյան
Արմեն Հարությունյանը գրում է. «Մինչ ընդդիմադիր հանրույթը հետընտրական շրջանում ակտիվորեն զբաղված է ընտրությունների արդյունքների վերլուծությամբ, վերահաշվարկներով և ընդդիմադիր դաշտի հետագա քայլերի քննարկմամբ, թվացյալ ընդդիմադիր Էդմոն Մարուքյանը որոշել է ուշադրությունը շեղել այդ օրակարգից և շահարկել Սերժ Սարգսյանի անունը:
Աբսուրդի ժանրից է, ՀՀԿ-ն Սերժ Սարգսյանի գլխավորությամբ հետապնդում է մի նպատակ պայքարել ներկա իշխանությունների դեմ և միշտ եղել է պայքարի առաջնագծում և ընտրությունների չմասնակցելով ևս մեկ անգամ ապացուցել է` գլխավոր օրակարգը ՀՀԿ-ի համար նիկոլի և ՔՊ-ի իշխանություններից հեռացումն է:
Մարուքյանին ցանկանում եմ հիշեցնել, որ տարիներ շարունակ ստանձնում էր Արցախ հանձնած Նիկոլ Փաշինյանի կողմից նշանակված հատուկ նշանակության դեսպանի պաշտոնը:
Եվ նկատի ունեցեք, որ ինչ էլ անեք կլասիկ քաղաքական դիակը չի վերակենդանանալու»:
