Գյումրու քաղաքապետարանից ներկայացրել են գիշերային ջրհեղեղի մանրամասները
Գյումրիի փրկարարական ծառայությունները և քաղաքապետարանի աշխատակիցները շարունակում են հունիսի 11-ի գիշերը քաղաքում տեղացած հորդառատ անձրևի և կարկուտի հետևանքների վերացման աշխատանքները: Ինչպես Sputnik Արմենիային հայտնեցին համայնքապետարանից, ինտենսիվ տեղումները սկսվելեն կեսգիշերից հետո։ Կարճ ժամանակում հեղեղվել են մի քանի փողոցներ, իսկ տրանսպորտի երթևեկությունը քաղաքում լրջորեն խոչընդոտվել է։ Հատկապես բարդ իրավիճակ է ստեղծվել քաղաք տանող ճանապարհներին, ինչպես նաև կենտրոնական փողոցներում։ Ուժեղկարկուտից հետո երթևեկելի հատվածում զգալի սառցե զանգվածներ են գոյացել։ Քաղաքապետարանում նշել են, որ հեղեղատար համակարգն աշխատել է բնականոն ռեժիմով, սակայն տեղումների ծավալը չափազանց մեծ է եղել:
Ներկայումս ամենաբարդ իրավիճակը պահպանվում է դեպի Անիի կամուրջ տանող ճանապարհին, որտեղ կոմունալ և փրկարարական ծառայությունները շարունակում են տարածքի ինտենսիվ մաքրումը: Ներկայումս համայնքապետարանում աշխատանքներ են տարվում առաջացած խնդիրների լուծման և կարկուտի հասցրած վնասի հաշվարկման ուղղությամբ:
Քաղաքապետարանից նաև հիշեցրել են, որ նման իրավիճակ նկատվել է ավելի վաղ՝ 2020 թվականի ամռանը քաղաքը նույնպես հայտնվել է ուժեղ կարկուտի հարվածի տակ։ Այն ժամանակ սոցիալական ցանցերում տարածված կադրերում երևում էր, թե ինչպես են մեքենաները բառացիորեն սահում խոշոր սառցաբեկորների մեջ, որոնք ծածկում էին քաղաքի փողոցները։
