ԱՀԱԶԱՆԳԵՐ՝ ընտրախախտումների վերաբերյալ

Վաղ առավոտյան՝ 8.00-ից, Հանրապետությունում մեկնարկել են խորհրդարանական ընտրությունները, և արդեն իսկ ահազզանգեր կան իշխանությունների ու նրանց վերահսկողության տակ գտնվող թաղային ու համայնքային «հեղինակությունների» կողմից ընտրախախտումներ մասին:

Այսպես՝

‼️35/7 ընտրատեղամասում ՔՊ վստահված անձը ներկայացել է քարտեզի կրծքանշանով, որը բաժանվում էր քարոզարշավի ընթացքում

‼️Գորիս քաղաքի 34/03 ընտրատեղամասում ՔՊ-ի՝ լուսանկարում պատկերված ներկայացուցիչը մոտեցել է թիվ 3 քվեաթերթիկն ընտրած քաղաքացուն և հորդորել փոխել իր ընտրությունը։

Դեպքի վերաբերյալ հանձնաժողովի նախագահին ներկայացվել է պահանջ՝ խախտումն արձանագրելու և համապատասխան գրառում կատարելու համար, սակայն վերջինս հրաժարվել է արձանագրել տեղի ունեցածը։

10:17

9/51 ընտրատեղամասում ընտրողներից մեկին բոլոր քվեաթերթիկները չէին տվել։ Նա քվեախցից դուրս եկավ ու պահանջեց՝ 1, 2 և 3 թերթիկները:

10:20

Արաբկիրի 4/43 ընտրական տեղամասի հարակից տարածքում միջադեպ է գրանցվել ոստիկանի, մեկ այլ քաղաքացու և «Քաղաքացիական պայմանագիր» կուսակցության վստահված անձի միջև։

Վերջինիս ավտոմեքենայի վրա փակցված են եղել ՔՊ-ի նախընտրական քարտեզն ու «16» համարի քարոզչական պիտակը։ Ոստիկանը քաղաքացու հորդորով զգուշացրել է ՔՊ֊ականին հեռացնել քարոզչական նյութերը ընտրական տեղամասի դիմաց կայանած ավտոմեքենայի վրայից, սակայն ՔՊ վստահված անձը հակադարձել է. «Սա իմ սեփական տարածքն է»։

Միջադեպի ընթացքում մեկ այլ քաղաքացի ևս նկատողություն է արել քարոզչական նյութերի վերաբերյալ, ինչին ի պատասխան՝ ՔՊ-ականը կոպտել է ՝ ասելով. «Գնա գլուխդ պոկի»։

10:25

28/1, 36/5 ընտրատեղամասերում ՔՊ-ի օգտին քարոզչություն է իրականացվում

10:43

🔺 Ահազանգ․ Վանաձորի 23/58 ընտրատեղամասում ոստիկանության ծառայողը քվեարկությունից հետո իր հետ դուրս է բերել քվեաթերթիկներ։ Դեպքը, ըստ տեղեկությունների, արդեն արձանագրվել է հանձնաժողովի կողմից։

🔺 Գորիս քաղաքի 34/03 ընտրատեղամասում արձանագրվել է խախտում․ ըստ ահազանգի՝ ՔՊ ներկայացուցիչը մոտեցել է թիվ 3 քվեաթերթիկը ընտրած քաղաքացուն և հորդորել փոխել իր ընտրությունը։

🔺 Նշվում է, որ դեպքի վերաբերյալ հանձնաժողովի նախագահին ներկայացվել է պահանջ՝ խախտումը արձանագրելու համար, սակայն վերջինս հրաժարվել է համապատասխան գրառում կատարելուց։

«ՀայաՔվե» դիտորդական առաքելությունը վաղ առավոտից հայտնում է ընտրատեղամասերում արձանագրած տարաբնույթ մի շարք ենթադրյալ խատումների մասին։ Կազմակերպության հաղորդմամբ՝

Թիվ 23/41 տեղամասում ժամը 10։00-ի դրությամբ կուտակում է։ Թիվ 8/14 ընտրատեղամասում բաց քվեարկության դեպք է գրանցվել։

Թիվ 3/13 ընտրատեղամասում քվեատուփը տեղադրված է եղել անմիջապես մուտքի դռան դիմաց, իսկ նույն տեղամասում արձանագրվել է նաև բաց քվեարկության դեպք։

Թիվ 8/9 ընտրատեղամասում խախտվել է քվեարկության գաղտնիության սկզբունքը, իսկ թիվ 10/1 ընտրատեղամասում տեղադրված են եղել քարոզչական պաստառներ, ինչը կարող է հակասել ընտրական օրենսդրության պահանջներին։

Թիվ 23/42 ընտրատեղամասում իրականացվել է քվեարկության ընթացքի նկարահանում։

Գորիսի 34/03 ընտրատեղամասում իշխող «Քաղաքացիական պայմանագիր» կուսակցության ներկայացուցիչը, ըստ իրենց տվյալների, օգնության կարիք ունեցող ընտրողին ուղղորդել է 3-րդ համարի քվեաթերթիկը դնել տրցակի տակ։

«Արդար Քվե»-ն ահազանգում է՝ դիտորդական առաքելության ներկայացուցիչների իրավունքների ոտնահարման մասին։ Ըստ հաղորդման՝ դիտորդներին թույլ չի տրվել մասնակցել տեղամասային ընտրական հանձնաժողովների նիստերին, և նրանց հորդորել են ներկայանալ միայն ժամը 08:00-ից հետո։

35/7 ընտրատեղամասում ՔՊ վստահված անձը ներկայացել է քարտեզի կրծքանշանով, որը բաժանվում էր քարոզարշավի ընթացքում։

25/08 տեղամասում քաղաքացին մոտեցել է քվեարկելու, բայց իր փոխարեն արդեն ստորագրված էր:

4/19 ընտրատեղամասում բաց քվեարկության դեպք է գրանցվել, որը տեսագրվել է։

10:56

Ահազանգ քաղաքացուց․«Իմ տան վրա թուրք են բերել- գրանցել»։

11:20

Օձունի վարչական ղեկավարը և անտառտնտեսության պետը գյուղի բնակիչներին ուղորդում են ընտրության

Լոռու մարզի Օձուն բնակավայրի վարչական ղեկավար Ամրաստան Ջանինյանը և անտառտնտեսության պետը գյուղի բնակիչներին ուղորդում են ընտրության։ Այս մասին տեսանյութ են տարածել տելեգրամյան ալիքները։

11:53

Երևանի Նոր Նորք համայնքի թիվ 2/37 ընտրատեղամասում հայտնաբերվել է 3 դեպք, երբ ընտրողների հասցեներում այլ քաղաքացիներ են գրանցված եղել

12:00

Երևանի Նոր Նորք համայնքի թիվ 2/37 ընտրատեղամասում հայտնաբերվել է 3 դեպք, երբ ընտրողների հասցեներում այլ քաղաքացիներ են գրանցված եղել

12:10

Մեծ Այրում համայնքում տեղակայված թիվ 24/37 ընտրատեղամասից ահազանգում են, որ վարչական ղեկավար Արսեն Ղարագյոզյանը ընտրատեղամասի մուտքի մոտ կանգնած է եղել ցուցակներով ու ուղղորդելիս է եղել բնակիչներին։ Վարչական մասն ու մանկապարտեզը նույն շենքում են, ղեկավարի աշխատասենյակի դուռը և ընտրատեղամասի մուտքի դուռը իրար մոտ ու ըստ ահազանգող բնակչի` վերջինս միջամտում է ընտրական պրոցեսին։ Նկարահանման պահին վարչական ղեկավարը տարածքում չէր, սակայն նրա եղբայրը՝ Կամո Ղարագյոզյանը, ընտրատեղամասի բակում էր մի խումբ երիտասարդների հետ ու «կառավարում» էր իրավիճակը։ Ահազանգից հետո հենց վարչական ղեկավարի եղբայրն է զգուշացրել Արսեն Ղարագյոզյանին հեռանալ տարածքից՝ տեսախցիկի առջև չերևալու համար։

14:29

Ահազանգ․ դիմակավորված անձինք Գյումրիում շրջափակել են «Ուժեղ Հայաստանի» գրասենյակը, այս մասին հայտնում են կուսակցությունից։

***

Հրատապ.6\27,6\26 ընտրատեղամասերի մոտ ՔՊ-ն քարոզարշավ է անում. ոստիկանությունն անգործության է մատնվել

Նշենք, որ իշխանության օգտին կատարվող խախտումը չի վերացվում՝ անգամ նախազգուշացումներից հետո։ Ոստիկանն ասում է՝ մենք կապ չունենք, մեզ ասել են ավտոմեքենայի հետ կապ չունեք

15:18

Թեղուտում` 38/11 ընտրատեղամասում, վարչական շրջանի ղեկավարը առավոտվանից ընտրատեղամասից դուրս չի գալիս, ո´չ ոստիկանություննա արձագանքում է արձագանքում, ո´չ էլ հանձնաժողովի նախագահը։

Դրսում էլ կուտակումներ են ու հյուրասիրության միջոցառում է:

15:35

Թիվ 14/12 ընտրատեղամասում հանձնաժողովի անդամների սեղանների վրա գտնվող քվեաթերթիկների մնացորդների քանակը տարբեր է․ 15, 16 և 19 համարների սեղանների վրա դրանք զգալիորեն ավելի շատ են, իսկ 3 և 7 համարների սեղանների վրա՝ քիչ։

15:54

Արագածոտնի մարզի թիվ 18/15 ընտրատեղամասի դիմաց Նիկոլ Փաշինյանի քարոզչական պաստառներն են