Իսրայելի պաշտպանության բանակը հայտարարել է Լիբանանի հարավում Հեզբnլլահի 10 զինվորի ոչնչացման մասին
Իսրայելի պաշտպանության բանակը լիկվիդացրել է Հեզբոլլահի 10 զինվորի, որոնք մոտեցել են իսրայելական զինվորականների դիրքերին Լիբանանի հարավում։ Այս մասին հայտնել է բանակի մամուլի ծառայությունը։
«ՑԱԽԱԼ-ի 7-րդ բրիգադի գործողության ընթացքում հայտնաբերվել են Հեզբոլլահի 10 զինված ահաբեկիչ, որոնք գործում էին զորքերի անմիջական հարևանությամբ։ Նրանց նույնականացումից հետո ՑԱԽԱԼ-ը հասցրել է ճշգրիտ հարվածներ և լիկվիդացրել ահաբեկիչներին՝ վերացնելով սպառնալիքը»,- ասված է բանակի մամուլի ծառայության հայտարարության մեջ։
Բացի այդ, երկուշաբթի գիշերը Իսրայելի ռազմաօդային ուժերը հարված են հասցրել Հեզբոլլահի օբյեկտին, որտեղ ակտիվորեն գործում էին գրոհայինները՝ ՑԱԽԱԼ-ի զորքերի ուղղությամբ հակատանկային հրթիռի արձակումից հետո։
«Ի պատասխան՝ ՑԱԽԱԼ-ը հարված է հասցրել արձակման կայանքին, որից իրականացվել էր հակատանկային հրթիռի արձակումը»,- շարունակել են մամուլի ծառայությունում՝ նշելով, որ միջադեպի հետևանքով զինծառայողների շրջանում տուժածների մասին չի հաղորդվում։
Գերատեսչությունում հայտնել են նաև, որ զինվորները հայտնաբերել և վնասազերծել են մարտական պատրաստության վիճակում գտնվող կրակային դիրք, որն անմիջական սպառնալիք էր ներկայացնում ՑԱԽԱԼ-ի համար, ինչպես նաև լիկվիդացրել են զենքի պահպանման համար օգտագործվող մի շարք ռազմական կառույցներ։
