Վենեսուելան կարող է հետևել ԱՄԷ-ի օրինակին և դուրս գալ ՕՊԵԿ-ից
Վենեսուելան կարող է հետևել ԱՄԷ-ի օրինակին՝ դուրս գալով Նավթ արտահանող երկրների կազմակերպությունից (ՕՊԵԿ), եթե ԱՄՆ նախագահ Դոնալդ Թրամփը ցանկանա, գրում է կանադական The Globe and Mail թերթը։
«Եվ դժվար չէ կռահել, թե ով կլինի հաջորդը, որ կլքի ՕՊԵԿ-ը… Կարող եք վստահ լինել, որ եթե Թրամփը ցանկանա, որ Վենեսուելան դուրս գա ՕՊԵԿ-ից, ինչպես արեց ԱՄԷ-ն, դա տեղի կունենա»,- գրում է թերթի սյունակագիր Էրիկ Ռեգուլին։
Հեղինակի կարծիքով, Վենեսուելան, որն ունի նավթի աշխարհում ամենամեծ պաշարները, երկրի նախագահ Նիկոլաս Մադուրոյի առևանգումից հետո փաստացի կախվածության մեջ է հայտնվել Վաշինգտոնից։
Ավելի վաղ Reuters գործակալությունը հաղորդել էր, որ ԱՄԷ-ի՝ ՕՊԵԿ-ից դուրս գալու որոշումը Թրամփի հաղթանակն է։ Գործակալության տվյալներով՝ Թրամփը նախկինում մեղադրել էր կազմակերպությանը նավթի գների ենթադրյալ բարձրացման մեջ։
