ԱՄՆ-ն ցանկանում է խուսափել պատերազմական հանցագործությունների մեղադրանքներից. լրատվամիջոցներ
ԱՄՆ-ն փորձում է խուսափել պատերազմական հանցագործությունների մեղադրանքներից՝ իրանական ենթակառուցվածքներին հարվածքների պատճառով, ուստի Պենտագոնը վերանայում է իրանական էներգետիկ օբյեկտների ցանկը՝ ներառելով ոչ միայն քաղաքացիական բնակչությանը, այլև զինվորականներին մատակարարող օբյեկտները, հաղորդում է Politico-ն՝ հղում անելով Պենտագոնի երկու պաշտոնյաների, որոնք նախընտրել են չներկայանալ։
Ավելի վաղ ՄԱԿ-ի գլխավոր քարտուղարի խոսնակ Ստեֆան Դյուժարիկը հայտարարել էր, որ ԱՄՆ-ի կողմից Իրանի քաղաքացիական ենթակառուցվածքների՝ կամուրջների և էլեկտրակայանների վրա հնարավոր հարվածները կհամարվեն միջազգային իրավունքի խախտում։
«Պենտագոնն ընդլայնում է իրանական էներգետիկ օբյեկտների ցանկը, որոնց վրա կարող է հարձակվել՝ ներառելով այն օբյեկտները, որոնք մատակարարում են… ոչ միայն քաղաքացիական բնակչությանը, այլև զինվորականներին: Սա հավանական շրջանցիկ լուծում է, եթե վարչակազմը (ԱՄՆ – խմբ.) մեղադրվի ռազմական հանցագործությունների մեջ՝ կարևորագույն ենթակառուցվածքների վրա հարձակումների համար»,- գրում է հրատարակությունը։
Ինչպես նշում է հրատարակությունը, Պենտագոնը ինտենսիվորեն քննարկում է ռազմական և քաղաքացիական թիրախների միջև սահմանը։ Օրինակ՝ Վաշինգտոնը կարծում է, որ ջրամաքրման կայանները կարող են համարվել թիրախներ, քանի որ զինվորականներին նույնպես խմելու ջուր է անհրաժեշտ։
