ԱՄՆ վարչակազմը կրճատել է մաքսատուրքերը մետաղական որոշ արտադրանքների համար. NYT
ԱՄՆ վարչակազմը նվազեցրել է մետաղական մի շարք արտադրանքների մաքսատուրքերը և պարզեցրել դրանց հաշվարկման ընթացակարգը: Այս մասին ուրբաթ օրը հաղորդել է New York Times-ը՝ հղում անելով չներկայացած բարձրաստիճան պաշտոնյայի ճեպազրույցին։
«Նախկինում ընկերությունները պետք է վճարեին 50% մաքսատուրք ներմուծվող ապրանքների մեջ պարունակվող մետաղի համար, գումարած մաքսատուրքեր՝ ապրանքների մյուս բոլոր բաղադրիչների համար: Համակարգը պահանջում էր, որ ընկերությունները հաշվարկեին իրենց արտադրանքի մեջ առկա նույնիսկ փոքր մետաղական մասնիկների կամ բեկորների արժեքը և ծագումը: Այժմ համակարգը պարզեցվել է»,- նշվում է հոդվածում:
Այժմ 15%-ից ավելի պողպատ, ալյումին կամ պղինձ պարունակող ապրանքների ներմուծող ընկերությունները պետք է վճարեն ապրանքների ընդհանուր արժեքի 25%-ի չափով մաքսատուրք։
Այս մետաղների ավելի ցածր պարունակությամբ ապրանքները ընդհանրապես չեն ենթարկվի մետաղների մաքսատուրքի:
