Փհենյանը միշտ լինելու է Մոսկվայի հետ. Կիմ Չեն Ըն
Հյուսիսկորեական առաջնորդ Կիմ Չեն Ընը հայտարարել է, որ Փհենյանը միշտ լինելու է Մոսկվայի հետ. դա ԿԺԴՀ-ի ընտրությունն է և անսասան կամքը, հայտնում է Հյուսիսային Կորեայի Կենտրոնական հեռագրական գործակալությունը:
«Փհենյանը միշտ լինելու է Մոսկվայի հետ: Դա մեր ընտրությունն է և մեր անսասան կամքը»,- գործակալությունը մեջբերում է Ռուսաստանի նախագահ Վլադիմիր Պուտինին ուղղված Կիմ Չեն Ընի նամակի տեքստը:
Հյուսիսկորեական առաջնորդը նաև շնորհակալություն է հայտնել Պուտինին, երկրի նախագահ վերընտրվելու կապակցությամբ, նրա շնորհավորանքի համար:
«Սրտանց երախտագիտությունս եմ հայտնում Կորեայի Ժողովրդադեմոկրատական Հանրապետության Պետական գործերի նախագահի պաշտոնում իմ վերընտրվելու կապակցությամբ Ձեր կողմից բոլորից առաջ ուղարկված ջերմ և անկեղծ շնորհավորանքների համար»,- գրված է հաղորդագրության մեջ:
