ԱՄՆ-ի հետ կապված նավթային ընկերությունների ողջ նավթային ենթակառուցվածքը կվերածվի մnխրի կույտի․ Իրանի ռшզմական հրամանատարության ներկայացուցիչ
ԱՄՆ-ի հետ կապված նավթային ընկերությունների ողջ նավթային, տնտեսական և էներգետիկ ենթակառուցվածքը կվերածվի մոխրի կույտի իրանական համապատասխան ենթակառուցվածքների վրա հարձակման դեպքում, հայտարարել է Իրանի ռազմական հրամանատարության Խաթամ ալ-Անբիա կենտրոնական շտաբի պաշտոնական ներկայացուցիչ Էբրահիմ Զոլֆագարին, հայտնում է ՌԻԱ Նովոստի-ն։
«Ի պատասխան ԱՄՆ ահաբեկիչ նախագահի հայտարարությունների՝ մենք հայտարարում ենք, որ Իրանի Իսլամական Հանրապետության նավթային, տնտեսական և էներգետիկ ենթակառուցվածքների վրա հարձակման դեպքում, ինչպես նախկինում զգուշացրել էինք, հենց նույն պահին ողջ տարածաշրջանի այն նավթային ընկերություններին պատկանող նավթային, տնտեսական և էներգետիկ ողջ ենթակառուցվածքը, որոնցում ԱՄՆ-ն ունի իր մասնաբաժինը, կամ որոնք համագործակցում են ԱՄՆ-ի հետ, կոչնչացվի և կվերածվի մոխրի կույտի»,- Զոլֆագարիի խոսքերն է մեջբերում Իրանի պետական հեռուստառադիոընկերությունը։
Ավելի վաղ՝ շաբաթ օրը, ԱՄՆ նախագահ Դոնալդ Թրամփը սպառնացել էր հարվածել իրանական Խարգ կղզու նավթային ենթակառուցվածքներին, եթե Հորմուզի նեղուցում նավագնացության ազատության համար խոչընդոտներ ստեղծվեն։
