Իրաքում ԱՄՆ դեսպանատան ուղղաթիռի վայրէջքի հրապարակին և ՀՕՊ համակարգին հարվածել են հրթիռով և կամիկաձե ԱԹՍ–ով
Բաղդադում ԱՄՆ դեսպանատան ուղղությունից ծուխ է նկատվել, և Associated Press-ը, հղում անելով իրաքցի պաշտոնյաներին, հաղորդում է, որ հրթիռը հարվածել է համալիրի տարածքում գտնվող ուղղաթիռի վայրէջքի հրապարակին։
Իր հերթին, իրանական Press TV գործակալությունը հաղորդում է, որ ինքնասպան անօդաչու թռչող սարքը հարձակվել է Բաղդադում ԱՄՆ դեսպանատան հակաօդային պաշտպանության համակարգի վրա։
Բաղդադի կանաչ անվտանգության գոտում գտնվող ընդարձակ դեսպանատան համալիրը բազմիցս դարձել է Իրանի հետ կապված աշխարհազորայինների կողմից արձակված հրթիռների և անօդաչու թռչող սարքերի թիրախ։
Ուրբաթ օրը ավելի վաղ դեսպանատունը վերահաստատել էր Իրաքում 4-րդ մակարդակի անվտանգության տագնապ՝ զգուշացնելով, որ «Իրանը և նրա հետ կապված աշխարհազորային խմբավորումները նախկինում հարձակվել են ԱՄՆ քաղաքացիների, շահերի և ենթակառուցվածքների վրա և կարող են շարունակել թիրախավորվել»։
