«ՔՈԼԻՆ ՓԱՈՒԵԼՆ ԻՆՁ ԱՍԱՑ՝ ԼԱՐՐԻ, ՆԱՅԻՐ ԵՎՐՈՊԱՅԻՆ, ՆԱՏՕ-ԻՆ. ԴՐԱՆՔ ԱՆՀԵՏԱՆԱԼՈՒ ԵՆ». ԼՈՈՒՐԵՆՍ ՈՒԻԼԿԵՐՍՈՆ
ԱՄՆ Սթենֆորդի համալսարանի քաղաքագիտության դոկտոր Արթուր Խաչիկյանը զրուցել է ԱՄՆ բանակի նախկին գնդապետ, ռազմական վերլուծաբան, ԱՄՆ պետքարտուղար Քոլին Փաուելի նախկին օգնական Լոուրենս Ուիլկերսոնի հետ:
Նախկին գնդապետ, ռազմական վերլուծաբան և ԱՄՆ պետքարտուղար Քոլին Փաուելի նախկին օգնական Լոուրենս Ուիլկերսոնի հետ զրույցում մենք քննարկեցինք ԱՄՆ-ի ռազմական պատմական սխալներն ու Թրամփի ներկայիս վտանգավոր քաղաքականությունը։ Մենք անդրադարձանք այն փաստին, որ ռազմական գործողություններն այժմ ծառայում են զենք արտադրողներին հարստացնելու և հանրությանը ներքին սկանդալներից շեղելու նպատակին։
Ուիլկերսոնը հատուկ զգուշացրեց, որ Իրանում որևէ ցամաքային գործողություն կատարյալ աղետ կդառնա ամն-ի համար և կբերի հսկայական զոհերի, քանի որ բանակը մարդկային ռեսուրս չունի, իսկ հնարավոր զորակոչի դեպքում երիտասարդությունը պարզապես կլքի երկիրը։
Ուիլկերսոնը Դոնալդ Թրամփին անվանում է ոչ թե խաղաղության, այլ պատերազմի նախագահ, որը հեռացել է իր հայտարարած սկզբունքներից:
Այս պատերազմում ծայրահեղականները կարող են լինել ամենավտանգավորը:
Լոուրենս Ուիլկերսոնը հիշել է Քոլին Փաուելի, իր բնորոշմամբ՝ մարգարեական խոսերը. «Ինձ ասաց՝ Լարրի, նայիր Եվրոպային, ՆԱՏՕ-ին. դրանք անհետանալու են»:
