Ինչով փոխարինել գազավորված ըմպելիքը Նոր տարվա սեղանին. խորհուրդ է տալիս բժիշկը
Քաղցր գազավորված ըմպելիքները կարող են մարսողական խնդիրներ առաջացնել, զգուշացրել է «Медицина» բժշկական կենտրոնի (Ակադեմիկոս Ռոյտբերգի կլինիկա) գաստրոէնտերոլոգ և բժշկական գիտությունների դոկտոր Եվգենի Բելոուսովը: Նա Lenta.ru-ի հետ զրուցել է Նոր տարվա սեղանին գազավորված ըմպելիքների առողջարար այլընտրանքների մասին:
«Մեկ բաժակ գազավորված ըմպելիքը կարող է պարունակել մինչև 10-12 թեյի գդալ շաքար, ինչը զգալիորեն գերազանցում է Առողջապահության համաշխարհային կազմակերպության օրական չափաբաժինը: Տոների ընթացքում սա հանգեցնում է ինսուլինի կտրուկ աճի, ստամոքս-աղիքային լորձաթաղանթի բորբոքման, գաստրիտի և ռեֆլյուքսի սրման»,- զգուշացրել է բժիշկը:
Բժշկի խոսքով՝ ֆերմենտացված ըմպելիքները գազավորված հյութերի լավագույն այլընտրանքն են: Մասնավորապես, նա խորհուրդ է տվել խմել բնական կվաս կամ կոմբուչա՝ նվազագույն շաքարի պարունակությամբ։
Բելոուսովը ընդգծել է, որ այս ըմպելիքները ոչ միայն համեղ են, այլև օգնում են վերականգնել աղիքային միկրոֆլորան չափից շատ ուտելուց հետո։
