Բեթղեհեմում նշել են Սուրբ Ծնունդը
Բեթղեհեմի Ծննդյան տաճարը Սուրբ Ծննդյան պատարագի ժամանակ պաղեստինա-իսրայելական հակամարտության սկսվելուց ի վեր առաջին անգամ լի էր հավատացյալներով։ Իսրայելում ԱՄՆ դեսպան Մայք Հաքաբին այս մասին հայտարարել է X սոցիալական ցանցի իր էջում։
«Վերջին երեք տարվա ընթացքում առաջին անգամ Բեթղեհեմում անհաշվելի թվով մարդիկ կային»,- գրել է դիվանագետը։
Associated Press-ի փոխանցմամբ՝ հազարավոր մարդիկ հավաքվել են տաճարի դիմաց գտնվող հրապարակում։ Վերջին երեք տարվա ընթացքում առաջին անգամ այնտեղ տեղադրվել է նաև Սուրբ Ծննդյան մեծ եղևնի։
