Ումերովը վերադարձել է Ուկրաինա
Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը երկարատև բացակայությունից հետո վերադարձել է Կիև: Ուկրաինայի նախագահ Վլադիմիր Զելենսկին այս մասին հայտարարել է Տելեգրամի իր ալիքում։
Ումերովը Ուկրաինայի ղեկավարին ներկայացրել է Միացյալ Նահանգներում բանակցությունների արդյունքները:
Ումերովի հետ միասին զեկույցը Զելենսկիին է ներկայացրել Ուկրաինայի զինված ուժերի գլխավոր շտաբի պետ Անդրեյ Գնատովը։
«Արդյունավետորեն աշխատել ենք նախագահ Թրամփի ներկայացուցիչների հետ: Այժմ պատրաստվել են մի քանի փաստաթղթերի նախագծեր: Կան փաստաթղթեր, որոնք վերաբերում են Ուկրաինայի անվտանգության երաշխիքներին, վերակառուցմանը և ռազմական հակամարտության դադարեցման հիմնական շրջանակին»,- գրել է Զելենսկին։
