Թրամփը ցանկանում է ԱՄՆ բյուջեից մեկ միլիարդ դոլար հատկացնել ինքն իրեն
ԱՄՆ նախագահ Դոնալդ Թրամփը ցանկացել է մեկ միլիարդ դոլարի չափոց ինքն իրեն փոխհատուցում տրամադրել ԱՄՆ բյուջեից՝ իր անձնական նստավայր Մար-ա-Լագոյում Հետաքննությունների դաշնային բյուրոյի կողմից կատարված խուզարկության համար: Այս մասին նա պատմել է Հյուսիսային Կարոլինայում իր առաջկիցների հետ հանդիպման ժամանակ։
«Գիտեք, ես դատական հայց եմ ներկայացրել և հաղթում եմ։ Կա միայն մեկ խնդիր. հենց ես պետք է այն կարգավորեմ։ Այլ կերպ ասած՝ ես դատական հայց եմ ներկայացնում և պետք է կարգավորեմ այն։ Այսպիսով, գուցե ես ինձ մեկ միլիարդ հատկացնեմ և ամբողջը նվիրաբերեմ բարեգործական կազմակերպություններին։ Հնչում է խելամիտ, այնպես չէ՞։ Չնայած, գուցե ես պետք է գումարը պահեմ ինձ համար»,- ասել է նա։
Պետության ղեկավարը շեշտել է, որ ինքը մտադրություն չունի գումարը պահել։ Նա նաև նշել է իրավիճակի տարօրինակությունը, երբ նա պետք է «գործարք կնքի և բանակցի ինքն իր հետ»։
