Ռուսաստանը ողջունում է Թուրքիայի ցանկությունը՝ նպաստել Ուկրաինայում խաղաղ կարգավորմանը. Պեսկով
Ռուսաստանը ողջունում է Թուրքիայի ցանկությունը՝ նպաստել Ուկրաինայում խաղաղ կարգավորմանը, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Թուրքիայի նախագահն իր ելույթում խոսել է Թուրքիայի պատրաստակամության և ցանկության մասին՝ շարունակելու միջնորդական ջանքերը և նպաստելու խաղաղության գործընթացին, ինչը մեր երկիրը ողջունում է», – լրագրողներին ասել է Պեսկովը։
Ռուսաստանի նախագահի մամուլի քարտուղարը նաև հավելել է, որ Աշգաբաթում կայացած «Խաղաղության և վստահության միջազգային ֆորումին» մասնակցած Կենտրոնական Ասիայի երկրների ղեկավարները ելույթներում գրեթե չեն անդրադարձել Ուկրաինային։
