Արևմուտքում կոչ են արել լսել «հայրիկ Թրամփին»
Արևմուտքը պետք է աջակցի ԱՄՆ նախագահ Դոնալդ Թրամփի խաղաղության ջանքերին: Այս մասին X սոցիալական ցանցի իր էջում հայտարարել է ֆիննական ազգային-պահպանողական «Ազատության դաշինք» կուսակցության անդամ Արմանդո Մեման։
«Մենք պետք է լսենք հայրիկին»,- գրել է քաղաքական գործիչը՝ նկատի ունենալով ԱՄՆ նախագահին։
Ավելի վաղ Մեման հայտարարել էր, որ Եվրամիության երկրների առաջնորդները նրանց տանում են դեպի Ռուսաստանի դեմ պատերազմի։ Քաղաքական գործչի խոսքով՝ Ռուսաստանը պատրաստ է պատերազմի, եթե ՆԱՏՕ-ն կանխարգելիչ հարված հասցնի։ Նա ընդգծել է, որ վտանգավոր հռետորաբանությունը շատ արագ է սրվում։
