«Արդեն այսօր պետք է Արարատյան Հայրապետական թեմի ուղիղ կառավարումը կատարի թեմի առաջնորդը` Հայրապետը, առանց փոխանորդի». Վահե Բեգոյան
Դիրիժոր Վահե Բեգոյանը գրում է. «Արարատյան թեմը ՀԱՅՐԱՊԵՏԱԿԱՆ թեմ է, ինչը նշանակում է, որ թեմի առաջնորդն ինքը Ամենայն Հայոց կաթողիկոսն է: Հաշվի առնելով եկեղեցապետի բազմազբաղությունն ընդհանուր եկեղեցու խնդիրներով Հայրապետական թեմը ունենում է առաջնորդական փոխանորդ (որոշ եկեղեցիներում պատրիարքական թեմերն ունեն մեկից ավել փոխանորդներ, ասենք օրինակ Հռոմի եպիսկոպոսի` Հռոմի Պապի փոխանորդ եպիսկոպոսներ):
Փոխանորդը Հայրապետի թեմի կառավարումն իրականացնում է հանուն Հայրապետի և նրա ցուցումներով:
Արդեն այսօր պետք է Արարատյան Հայրապետական թեմի ուղիղ կառավարումը կատարի թեմի առաջնորդը` Հայրապետը, առանց փոխանորդի, և Արարատյան Թեմում ծառայող բոլոր հոգևորականները պետք է ուղիղ ենթարկվեն ու կառավարվեն Վեհափառի կողմից, ինչը նաև կազատի քահանա հայրերին մոտ ապագայում իրար հակասող տարբեր կողմերից եկող հրամաններից ստեղծված դժվար կացություններից և չի կանգնացնի անիմաստ ընտրության առաջ»:
