Հունգարիայի և Պորտուգալիայի դեմ հանդիպումներից առաջ հրապարակվել է Հայաստանի ազգային հավաքական հրավիրված խաղացողների ցանկը

Հայաստանի ֆուտբոլի ազգային թիմի գլխավոր մարզիչ Եղիշե Մելիքյանը հրապարակել է  հավաքականի ընդհանուր հայտացուցակը, որով թիմը կնախապատրաստվի աշխարհի առաջնության ընտրական փուլի Հունգարիայի և Պորտուգալիայի դեմ խաղերին: 

Հավաքական են հրավիրվել հետևյալ ֆուտբոլիստները`

Դարպասապահներ․ Օգնյեն Չանչարեւիչ («Նոա»), Հենրի Ավագյան («Փյունիկ»), Արսեն Բեգլարյան («Ալաշկերտ»)։

Պաշտպաններ․ Կամո Հովհաննիսյան («Արարատ-Արմենիա»), Սերգեյ Մուրադյան («Նոա»), Գեորգի Հարությունյան («Պուշկաշ Ակադեմիա»), Ստյոպա Մկրտչյան («Օսիեկ»), Նաիր Թիկնիզյան («Ցրվենա Զվեզդա»), Էդգար Գրիգորյան («Արարատ-Արմենիա»), Էրիկ Փիլոյան («Ուրարտու»)։

Կիսապաշտպաններ․ Էդուարդ Սպերցյան («Կրասնոդար»), Կարեն Մուրադյան («Արարատ-Արմենիա»), Ուգոչուկվու Իվու («Ռուբին», Կազան), Կարեն Նալբանդյան («Ալաշկերտ»), Արտյոմ Բանդիկյան (ԲԿՄԱ, Մոսկվա), Գոռ Մանվելյան («Նոա»), Նարեկ Գրիգորյան («Ֆարուլ»)։

Հարձակվողներ․ Ժիրայր Շաղոյան («Արարատ-Արմենիա»), Վահան Բիչախչյան («Լեգիա»), Էդգար Սեւիկյան («Ակրոն»), Արթուր Սերոբյան («Արարատ-Արմենիա»), Հրանտ-Լեոն Ռանոս («Բորուսիա Մյոնխենգլադբախ»), Արայիկ Էլոյան («Արարատ-Արմենիա»)։

Աշխարհի առաջնության ընտրական փուլի Հայաստան-Հունգարիա հանդիպումը կկայանա նոյեմբերի 13-ին և կմեկնարկի ժամը 21։00-ին։ Պորտուգալիա-Հայաստան հանդիպումը կկայանա նոյեմբերի 16-ին։ Խաղը կմեկնարկի ժամը 18։00-ին։