Փաշինյան-Տիխանովսկայա հանդիպում` Փարիզում
Բելառուսի ընդդիմության առաջնորդ Սվետլանա Տիխանովսկայան Փարիզում հանդիպել է Նիկոլ Փաշինյանի հետ։ Այս մասին տեղեկությունը հրապարակվել է նրա պաշտոնական կայքում։
Հանդիպման ընթացքում Տիխանովսկայան կրկին շնորհակալություն է հայտնել Փաշինյանին՝ Երևանում «Եվրանեսթ»-ին մասնակցելու հրավերի համար։ Չնայած այս անգամ ներկա գտնվելը հնարավոր չի եղել, նա ցանկություն է հայտնել ապագայում այցելել Հայաստան։
Տիխանովսկայան աջակցություն է հայտնել Եվրոպական միության հետ մերձենալուն ուղղված Հայաստանի ջանքերին։ Տիխանովսկայան նաև ընդգծել է, որ բելառուս ժողովուրդը համերաշխ է հայ ժողովրդի հետ։
