Ինչո՞ւ պետք է դադարեցնել ծխելը
Ծխախոտային և նիկոտին պարունակող արտադրանքի օգտագործումը շարունակում է մնալ ոչ վարակիչ հիվանդությունների (ՈՎՀ) առաջատար ռիսկի գործոններից մեկն ամբողջ աշխարհում։ Ծխախոտը պարունակում է ավելի քան 7000 քիմիական նյութ, որոնցից շուրջ 70-ը քաղցկեղածին են։ Այս մասին հայտնել են առողջապահության նախարարությունից:
2022 թվականին իրականացված հետազոտության տվյալներով՝ Հայաստանում չափահաս բնակչության 27,2%-ն օգտագործում է ծխախոտային և նիկոտին պարունակող որևէ արտադրատեսակ:
Ծխախոտի օգտագործումը վնասում է մարդու օրգանիզմի տարբեր համակարգերը.
- թոքեր` քրոնիկ օբստրուկտիվ թոքերի հիվանդություն (ՔՕԹՀ), էմֆիզեմա, տարատեսակ վարակներ,
- սրտանոթային համակարգ` զարկերակային արյան գերճնշում, սրտամկանի ինֆարկտ, արյան շրջանառության խանգարում,
- գլխուղեղ` ինսուլտի բարձր ռիսկ, հիշողության կորուստ (դեմենցիա), տրամադրության խանգարումներ,
- քաղցկեղ` թոքերի, կոկորդի, բերանի, միզապարկի, ենթաստամոքսային գեղձի և այլ օրգանների քաղցկեղներ,
- պտղաբերություն և հղիություն` սերմնահեղուկի քանակի նվազում, վիժումներ, վաղաժամ ծննդաբերություն,
- ոսկրեր և մկաններ` ոսկրերի փխրունություն (օստեոպորոզ), վերքերի դանդաղ վերականգնում:
Պահպանե՛ք Ձեր և Ձեր սիրելիների առողջությունը.
Բացառե՛ք երկրորդային (պասիվ) ծուխը` ստեղծելով անվտանգ միջավայր հատկապես երեխաների համար (ավելի քիչ ասթմայի նոպաներ, ականջի վարակներ և այլն)։
