Կավելաշվիլին Թրամփին առաջարկել է Վրաստան-ԱՄՆ հարաբերությունները սկսել մաքուր էջից
Վրաստանի նախագահ Միխեիլ Կավելաշվիլին հայտարարել է, որ ՄԱԿ-ի Գլխավոր ասամբլեայի 80-րդ նստաշրջանի շրջանակներում իր ամերիկացի պաշտոնակից Դոնալդ Թրամփի հետ հանդիպմանն առաջարկել է երկրների միջև հարաբերությունները սկսել մաքուր էջից։
«Ես ԱՄՆ նախագահին հայտնեցի, որ եկել է ժամանակը մեր հարաբերություններն սկսելու մաքուր էջից, ինչին ի պատասխան նա ասաց, որ հետևողական կլինի այդ հարցում և խոստացավ, որ անպայման կվերադառնա այս թեմային և կկապվի ինձ հետ: Կսպասենք պատասխանի»,- լրագրողներին ասել է Կավելաշվիլին՝ ամփոփելով Նյու Յորք կատարած այցի արդյունքները։
Վրաստանի ղեկավարը հավելել է, որ Նյու Յորքում հանդիպել է նաև ԱՄՆ առևտրի նախարար Հովարդ Լաթնիկի հետ։
