Բացահայտվել է ԱՄՆ-ին ցնցած ԽՍՀՄ-ի գաղտնի նախագիծը
Խորհրդային «Զոնդ-5» նախագիծը, որի շրջանակներում ԽՍՀՄ-ն կենդանիներով կայան է ուղարկել դեպի Լուսին, անհանգստացրել է Միացյալ Նահանգներին: Այս բացահայտումն արել է ամերիկյան The National Interest ամսագրի սյունակագիր Բրենդոն Վայխերտը:
Հեղինակը գրում է, որ 1968 թվականին «Զոնդ-5» տիեզերական հաջող առաքելությունը ՆԱՍԱ-ին ստիպեց արագացնել «Ապոլլոն» ծրագիրը, որն, ի վերջո, հանգեցրեց Լուսնի վրա առաջին մարդու վայրէջքին: Վայխերտը հիշեցրել է, որ խորհրդային կայանում գտնվում էին երկու «ռուսական կրիաներ», որոնք «դարձան Երկրից առաջին կենդանի արարածները, որոնք պտտվեցին Լուսնի շուրջ և անվտանգ վերադարձան տուն»:
«Յոթօրյա ճանապարհորդությունից հետո՝ սեպտեմբերի 18-ին (1968), տիեզերանավը անցավ Լուսնի մակերևույթից 1990 կիլոմետր հեռավորության վրա՝ լուսանկարելով և հեռաչափական տվյալներ ստանալով, ապա վերադարձավ Երկիր»,- գրում է հեղինակը։
Նրա խոսքով՝ առաքելությունը հաջողված էր, քանի որ կրիաները կորցրել էին իրենց մարմնի զանգվածի մոտ տասը տոկոսը, ինչը սպասվածից զգալիորեն պակաս էր:
Վայխերտը նշել է, որ «Զոնդ-5» առաքելության հաջողությունը ցնցել է Միացյալ Նահանգներին, քանի որ դա կարող է վկայել Վաշինգտոնի՝ Մոսկվայից հետ մնալու մասին:
