Թուրքիան, Ալժիրը և Անգոլան կփոխանակվեն ֆինանսական հետախուզական տվյալներով
Թուրքիայի գանձապետարանի և ֆինանսների նախարարության ֆինանսական հանցագործությունների հետազոտության խորհրդի վարչութունը (MASAK) փոխըմբռնման հուշագիր է կնքել Ալժիրի ֆինանսական հետախուզության մշակման մարմնի (FIPU) և Անգոլայի ֆինանսական հետախուզության մարմնի (FIU ANGOLA) հետ։ Այս մասին տեղեկացնում է ermenihaber.am-ը։
Փոխըմբռնման հուշագրով կողմերը կհամագործակցեն «Փողերի լվացման և ահաբեկչության ֆինանսավորման վերաբերյալ» ֆինանսական հետախուզական տվյալների փոխանակման հարցում։
Նշվում է, որ վերոնշյալ մարմինները միմյանց կտրամադրեն հնարավորինս լիարժեք տեղեկություն։ Որոշումը հրապարակվել է Թուրքիայի «Resmi Gazete» պաշտոնական տեղեկագրում։
