ԱՄՆ-ն կարող է Դեն Կացի թեկնածությունն առաջադրել Արժույթի միջազգային հիմնադրամի ղեկավարի տեղակալի պաշտոնում
ԱՄՆ նախագահ Դոնալդ Թրամփի վարչակազմը կարող է Դեն Կացի թեկնածությունն առաջադրել Արժույթի միջազգային հիմնադրամի (ԱՄՀ) կառավարիչ տնօրենի առաջին տեղակալի պաշտոնում: յԱս մասին հայտնում The New York Post-ը՝ վկայակոչելով մի քանի աղբյուրների։
Ներկայում ԱՄՆ ֆինանսների նախարար Սքոթ Բեսենթի աշխատակազմը ղեկավարող Կացը Մանհեթենի ինստիտուտի նախկին ավագ գիտաշխատող է: Նշված նախարարությունում աշխատում է այս տարվա հունվարից:
ԱՄՀ-ի կառավարիչ տնօրենի առաջին տեղակալի պաշտոնը թափուր է օգոստոսի վերջից, երբ այն լքեց Գիտա Գոպինաթը:
Ակնկալվում է, որ ԱՄՀ-ի ղեկավար Քրիստալինա Գեորգիևան կհաստատի Կացի թեկնածությունը, քանի որ կազմակերպության կառավարիչ տնօրենի տեղակալի պաշտոնը ավանդաբար զբաղեցնում է ամերիկացի։
Աղբյուրներից մեկի համաձայն՝ Կացի նշանակման մասին ԱՄՀ-ն պաշտոնապես կհայտարարի սեպտեմբերի 19-ին:
Մինչ այդ Գեորգիևան հայտարարել է Նայջել Չոկին ԱՄՀ-ի Արևմտյան կիսագնդի դեպարտամենտի տնօրեն նշանակելու մասին։ Վերջինս պաշտոնը կստանձնի հոկտեմբերի 27-ից։
