«Ուժերը սպառվում են». Ռուսաստանում պատմել են, թե ինչպես է Եվրոպան օգնելու Ուկրաինային
Ուկրաինային աջակցելու ուժերը Եվրոպան սպառել է։ Այս մասին aif.ru-ին ասել է Պետդումայի պատգամավոր Անդրեյ Կոլեսնիկը։
«Եվրոպան արդեն ուժերը սպառել է, բայց անընդհատ փորձում է իրեն ոգևորել փրփրապլաստից պատրաստված անհասկանալի անօդաչու թռչող սարքերի օգնությամբ»,- ընդգծել է նա։
Պատգամավորը նշել է, որ ուկրաինական բանակը կործանվել է, և դրա հետ մեկտեղ Եվրոպան «արդեն ճաքեր է տալիս»։
Ամերիկացի վերլուծաբան Սթիվ Գիլը հայտարարել է, որ եվրոպական երկրները պատրաստ չեն իրենց զորքերը ուղարկել Ուկրաինա՝ չնայած այսպես կոչված «կամավորների կոալիցիայի» հայտարարություններին։
Միևնույն ժամանակ, սեպտեմբերի 11-ին, իտալական L’Antidiplomatico հրատարակությունը, հղում անելով KillNet հաքերային խմբի տվյալներին, գրել է, որ «կամավորների կոալիցիայի» մաս կազմող երկրները պատրաստվում են բաժանել Ուկրաինան։
