Ստամբուլում հակակառավարական ցույցեր են
Ստամբուլում սեպտեմբերի 7-ի գիշերը սկսվել են հակակառավարական ցույցեր:
Հարյուրավոր ցուցարարներ հավաքվել են երկրի գլխավոր ընդդիմադիր ուժի՝ Հանրապետական ժողովրդական կուսակցության ( CHP) գլխավոր գրասենյակի մոտ, որտեղ սկսվել են բախումներ ոստիկանության հետ։ Բողոքի ակցիան ուղղված է Թուրքիայի առաջնորդ Ռեջեփ Թայիփ Էրդողանի քաղաքական որոշումների դեմ։
Թուրքական լրատվամիջոցների փոխանցմամբ՝ ակցիայի մասնակիցները բողոքում են ընդդիմադիր Հանրապետական ժողովրդական կուսակցության ղեկավարությանը պաշտոնանկ անելու որոշման դեմ, որի առաջնորդներից մեկը՝ Ստամբուլի նախկին քաղաքապետ Էքրեմ Իմամօղլուն, կալանքի տակ է մայիսից։
Ցուցարարները կոչ են անում «կաթսաների ակցիաների». նրանք քայլում են փողոցներով և թակում կաթսաներ՝ ի նշան իշխանությունների գործողությունների դեմ բողոքի։
