ԱՄՆ-ն մեծացնում է անօրինական ներգաղթյալների դեմ պայքարի ծավալները
ԱՄՆ քաղաքացիության և ներգաղթի ծառայությունը նախատեսում է աշխատանքի ընդունել մոտ 200 զինված ոստիկանների՝ ներգաղթի խախտումների դեմ պայքարելու համար, հաղորդում է Wall Street Journal-ը՝ հղում անելով գործակալության տնօրեն Ջո Էդլոուին։
«ԱՄՆ քաղաքացիության և ներգաղթի ծառայությունը հայտարարել է, որ նախատեսում է իրավապահ մարմինների մոտ երկու հարյուր աշխատակիցների վերապատրաստել՝ կեղծ ներգաղթային դիմումները հայտնաբերելու և ներգաղթյալներին կամ դիմումները պատրաստելուն օգնած փաստաբաններին կալանավորելու համար: Վերապատրաստումն անցնող գործակալները լիազորված կլինեն կալանավորել մարդկանց ներգաղթային խախտումների համար: Վերջիններս լինելու են զինված»,- գրում է թերթը:
