Հայաստանի և Ադրբեջանի միջև արդեն խաղաղություն է հաստատվել. Ալիև
Ադրբեջանի նախագահ Իլհամ Ալիևը, Չինաստանի նախագահ Սի Ծինփինի հետ հանդիպման ընթացքում, հայտարարել է, որ Երևանի և Բաքվի միջև խաղաղության ու կարգավորման բանակցությունները ընթանում են երկկողմ ձևաչափով, և երկու երկրների հարաբերություններում արդեն իսկ հաստատվել է խաղաղություն։ Այս մասին տեղեկացնում է ադրբեջանական ԱՊԱ գործակալությունը։
Իսկ Սի Ծինփինը կարևորել է Հայաստանի և Ադրբեջանի միջև ուղիղ երկխոսությունը՝ ընդգծելով դրա նշանակությունը կայուն խաղաղության հասնելու համար։ Նույն աղբյուրի փոխանցմամբ՝ Չինաստանի առաջնորդը նաև հայտնել է, որ իր երկիրը աջակցում է Ադրբեջանի ինքնուրույն զարգացման տեսլականին։
