Ադրբեջանական «Socar»-ը նախատեսում է Թուրքիայում կատարել 7 մլրդ դոլարի ներդրում
Թուրքիայի փոխնախագահ Ջևդեթ Յըլմազը հայտնել է, որ ադրբեջանական «Socar» նավթագազային ընկերությունը նախատեսում է Թուրքիայում կատարել 7 մլրդ դոլարի ներդրում։ Այս մասին տեղեկացնում է ermenihaber.am-ը։
Յըլմազը նշել է, որ «Socar»-ը Թուրքիայում ամենաշատ ներդրումներ կատարած օտարերկրյա ընկերությունն է և ընդգծել է, որ ներդրումների ծավալը գերազանցել է 18 մլրդ դոլարը։
Թուրքիայի փոխնախագահն անդրադառնալով ադրբեջանական գազի Թուրքիայի տարածքով Սիրիա մատակարարմանը՝ նշել է, որ դա հնարավոր է դարձել Թուրքիայի և Ադրբեջանի միջև սերտ համագործակցության և համակարգման շնորհիվ։
Նա նաև հավելել է, որ երկու երկրների միջև էլեկտրաէներգիայի ոլորտում կապերի մեծացումը ռազմավարական նշանակության քայլ կլինի։
