Paramount Global-ը և Skydance Media-ն միավորվել են
Ամերիկյան Paramount Global և Skydance Media ընկերություններն ավարտել են իրենց 8.4 միլիարդ դոլար արժողությամբ միավորումը, որի մասին հայտարարվել էր ավելի քան մեկ տարի առաջ:
Ինչպես տեղեկացնում է Reuters–ը՝ այս մասին հայտարարել են ընկերությունները:
Վերանվանվելով Paramount Skydance Corp՝ ընկերության B դասի բաժնետոմսերը օգոստոսի 7–ից կշրջանառվեն Nasdaq-ում՝ PSKY անվանումով:
Ընկերությունը բաժանված է լինելու երեք բիզնես սեգմենտների՝ ստուդիաներ, «անմիջապես սպառողին» ծառայություններ (direct-to-consumer) և հեռուստատեսային մեդիա: Միավորված ընկերության նախագահ և գործադիր տնօրեն Դեյվիդ Էլիսոնը շեշտել է Paramount-ի տեխնոլոգիական հնարավորությունների ընդլայնման, սթրիմինգային բիզնեսի աճի անհրաժեշտության մասին:
