Ասում են «ինքնիշխանության, տարածքային ամբողջականության ու իրավազորության ներքո» ու շարադրում մի մեխանիզմ, որում Հայաստանը չի ունենալու որևէ իշխանություն այդ տարածքի վրա․ Միքայել Նահապետյան
Հանրային-քաղաքական գործիչ Միքայել Նահապետյանը ֆեյսբուքյան իր էջում գրել է․
«Զառանցանքի երկիր է Հայաստանը։
Ասում են «ինքնիշխանության, տարածքային ամբողջականության ու իրավազորության ներքո» ու շարադրում մի մեխանիզմ, որում Հայաստանը չի ունենալու որևէ իշխանություն այդ տարածքի վրա, չի կատարելու որևէ գործառույթ և եթե երբևէ շշկռվի ու մի ծպտուն հանի` կօկուպացնեն Մեղրին ու մի թթու խոսքի չեն հանդիպի։
Դա ոնց-որ քո տանը, քո անկողնում ամեն օր կնոջդ տեսնես ուրիշի գրկում ու ամեն անգամ բարձր գոռաս «բայց ասա որ նա ի՛մ կինն է», «բոլորդ համաձայն եք չէ՞, որ կինն իմն է»։
