ՀՀ–ում սեպտեմբերի 15-ից դեկտեմբերի 15-ը կանցկացվեն պահեստազորայինների վարժական հավաքներ
ՀՀ–ում սեպտեմբերի 15-ից դեկտեմբերի 15-ը կանցկացվեն պահեստազորայինների վարժական հավաքներ։ Համապատասխան որոշումն ընդունվեց ՀՀ կառավարության այսօրվա նիստի ժամանակ։
«Որոշման ընդունումը պայմանավորված է պահեստազորի առաջին խմբում հաշվառված շարքային, ենթասպայական և սպայական կազմերի պահեստազորայինների ռազմական հմտությունների կատարելագործման, վերապատրաստման և պատրաստման անհրաժեշտությամբ»,– ասված է որոշման հիմնավորման մեջ:
Որոշմամբ սահմանվում են նաև վարժական հավաքների անցկացման նպատակները, ներգրավվող պահեստազորայինների կազմերը, մասնագիտությունները, քանակները, ներգրավման ժամկետները:
Հիշեցնենք, որ ՀՀ կառավարության վերջին որոշմամբ պահեստազորայինների վարժական հավաքներ են նախատեսված նաև օգոստոսի 12–ից մինչև հոկտեմբերի 3–ը։
